Þremur vikum áður hafði verið sagt að stormur væri í aðsigi
Grámygluleg augun vilja ekki opnast upp á gátt og spurningin snýst mikið um það þessa stundina hvort fréttatímanum fari ekki bráðum að ljúka
Miklu oftar en fimmtán sinnum á dag hugsa ég um það hvort það gæti verið satt að hagkvæmt sé að reka raforkuver í litlum smábæ sem hefur hingað til haft mestar tekjur sínar af sölu póstkorta af gríðarlega fallegri og sjaldgæfri tegund hunda sem kenndir eru við afar sérkennilegt fjall sem í þoku tekur á sig hinar ýmsu myndir en sú sem flestir eru sammála um að sé einna algengust og þá sérstaklega í morgunsárið er samkvæmismyndin
Eftir storminn og þrjá bolla af kaffi var gæfuríkt um að lítast og það sem blasti við í gær var í dag með öllu horfið og þess ekki saknað
Töffaralegur skjárinn var ekki í sambandi því fréttirnar voru byrjaðar
1 ummæli:
Systir hans varð tvítug fyrr í mánuðinum en hann gleymdi afmælisgjöfinni heima, og nú lá hún enn í plastpoka á stofuborðinu. Með þessu áframhaldi verður þetta 21 árs afmælisgjöfin. Hann var hættur að mæðast þótt brekkan sé brött, en var stundum einmana á kvöldin þegar kærastan var að vinna fram eftir. Við því var lítið að gera nema skoða Sebastian Tellier-myndbönd á YouTube, fá sér Euroshopper-kex og halda áfram að skrásetja vínylplöturnar í excel-skjalið góða. Ýmislegt fínt leyndist þar inni á milli sem hann hafði sjaldan eða aldrei sett undir nálina, t.d. So með Peter Gabriel og Easy Pieces með Lloyd Cole & The Commotions. Hann skammaðist sín þó ekki fyrir að eiga óáhlustaðar plötur, þær bíða bara síns tíma, og þar að auki á fólk jafnan miklu meira af músík en það hlustar nokkurn tímann á. Fólk sem á 80 GB ipoda hlsutar yfirleitt ekki af neinu viti á meira en 3-4 GB. Og gleymum ekki smástelpunni sem fékk vinnu á Bókasafni Hafnarfjarðar eitt sumarið og var oft inni á tónó; henni varð blátt áfram sinfall við allt úrvalið á deildinni svo að hún hlustaði venjulega á FM957 þegar hún var þar inni.
Skrifa ummæli