Ég myndi vilja lesa blogg hjá þeim mikla meistara, Jakobi Bjarnari Grétarssyni, stjörnublaðamanni og tónlistarmanni. Vil líka fara að heyra eitthvað í Kátum Piltum (á að skrifa piltum með stóru eða litlu pjéi?), en þeir hafa ekki sent frá sér efni í ein 16 ár, ef mér skjöplast ekki. Bobbi, farðu að blogga, þú átt dyggan lesanda í mér (og örugglega mörgum öðrum), og svo að koma út efni með bestu hafnfirsku hljómsveit allra tíma.
Ps: Ætli sagan um Kate Pilts muni einhvern tíma koma út? Vona það.
Cremonese: Nappaði myndinni af Bobba á bloggi Hrafns Jökulssonar. Vona að það sé í lagi. Hrafn mætti alveg fara að blogga á nýjan leik. Og Hjalti Snær Ægisson líka. Jæja, nú er þessari færslu loksins lokið.
2 ummæli:
Ímyndið ykkur hvað það yrði mikið og skemmtilegt líf inni á athugasemdarkerfinu. Yrði mun líflegra en press.is.........
kv, Svanur
Já, aldrei lognmolla í kringum Bobba. Mætti honum á Laugaveginum í gær, skammt frá staðnum þar sem myndin er tekin. Ég var að koma af Ölstofunni og hann var (líklega) á leiðinni þangað. Þetta var seint í október, aðfaranótt Krispínusarmessu, árið sem kreppan mikla byrjaði, 2008.
Skrifa ummæli