Er það nú spurning, til hamingju ég. Svo byrjar ballið (Andardrátturinn er skilyrtur því honum fylgja bæði kvaðir og ekkikvaðir. Sterk lyktin bærist meðfram hinum nýju kenningum sem gefa skít í póstmóderníska hugsun og hegðun (sé hún til) og gleymir alveg rauða þræðinum sem kom frá Kína. Þessi sterka lykt gefur fyrirheit, bæði ljót og fögur, um ímyndaðan kvalalosta og uppstokkun (Það er ekki alslæmt, það getur verið gott að koma á einhvern stað og þurfa að horfast í augu við sjálfan sig. Með upphrópunarmerki á allri sálinni sem öskra stanslaust án þess að nokkur heyri nema þú - hvað i fjandanum ertu að gera drengur!!! Af hverju ertu ekki kominn lengra? En ég segi það satt við þig, það getur verið ágætt að vakna upp á bensínstöð, fá nægt rými og tíma til að hugsa um stöðuna þó það geti verið mjög óþægilegt. Það er margt verra til en samt er...).
2 ummæli:
Ég gekk einu sinni Laugaveginn (þann með Hlemminum) með mannréttindalögfræðingnum vini mínum og við komum fram á skilti sem stóð fyrir utan sjoppuna Vikivaka, þar stóð 'Nýir eigendur - tökum öll kort' og við hlógum og tókum mynd á farsímann, fannst þetta fyndið skilti og svo litum við inn og sáum nýja eigandann sem hló við okkur og kinkaði kolli í áttina að okkur og mér leið eins og djöfuls kapítalistasvíni sem væri að horfa á Berlínarmúrinn hrynja heima í litasjónvarpinu, og ætli þetta verði ekki svipað þegar þeir setja upp sams konar skilti fyrir utan Dalsnesti en hvernig er það þú dælir ekki nema fyrir þúsundkall er það?
HSÆ
Stundum dæli ég fyrir meira en þúsundkall. Verst að bensínið sé ekki innbyggt í bílana. En þetta er samt allt innbyggt, innbyggt í bílana.
Skrifa ummæli