Hann hnýtti oft og iðulega í samferðarmenn sína. Sagði gjarnan eitthvað á þessa leið: “Hvurn andskotann ert þú að tjá þig um þetta mál, veist andskotann ekki neitt í þinn haus. Ættir bara að andskotast heim til þín.” Honum þótti gaman að mála – það var hans áhugamál og hann gerði það fremur vel. Heilu stofurnar og herbergi eftir herbergi. Átti það til að banka uppá hjá fólki og bjóðast til að mála hjá því, skaffaði málninguna og allt málningardótið og sagði gjarnan eitthvað á þessa leið: “Og ég tek ekkert aukalega fyrir það.” Þetta var ágætur karl en flestum þótti hann heldur leiðinlegur. Löngu síðar átti sonur hans eftir að gera garðinn frægan fyrir það að hanna sviðsmyndina fyrir bresku hljómsveitina Depeche Mode á tónleikaferðalagi þeirra um Norður-Ameríku árið 1992. Ánetjaðist piltur fíkniefnum; Kókaíni, Heróíni, LSD, Mescalíni, Englaryki, Hassi, Grasi, Amfetamíni, Krakki, Poppers, Dvergakasti, Mogadon, Smokkaáti, Metamfetamíni og ýmsu öðru líka. Karlinn var þá dauður en hefði eflaust snúið sér við í gröfinni hafi hann frétt af þessu uppátæki sonar síns.
6 ummæli:
jahá, kannski ekkert sérstakt að ánetjast smokkaáti...
Alveg stórhættulegt er mér sagt, kv, Svanur :)
Já, þetta útskýrir móbergshnjúkana og melgresið í sviðsmyndinni hjá Depeche Mode í '92-túrnum. Ég hélt að þetta væru bara eitthvað brengluð myndgæði á Youtube.
Þvílíkt endemis rugl. Hvurn andskotann er þetta að gera inn á vefinn? Að hvaða gagni kemur svona þvæla? Engu. Hún skilar engu til þjóðfélagsins í formi skatta eða vinnu. Er ekki komið nóg af þessu rugli, að þessir menn fari að setja punkt aftan við hugsanir sínar. Eiga þvílík skrif eitthvert erindi til manna sem vakna kl. sjö á morgnana og stunda sína vinnu. Er þjóðin að verða að aumingjum sem hanga við tölvuskrif um ekki neitt fram á nætur? Nú er nóg komið, Ingimundur.
Haha er Ingimundur eitthvað skyldur Abraham..?
Þetta pakk er allt skylt, innræktað og vitlaust. - Mér sýnast allir liggja í þessu tölvuþangi frameftir nóttu,líka á virkum dögum. Held þið ættuð að druslast til þess að fá ykkur vinnu og mæta á morgnanna, ekki slefa í lyklaborðin á kvöldin. kveðja Sangrías
Skrifa ummæli